ختامها مسك ... والحمد لله الذي تتم بنعمته الصالحات

من طرف **BSPSA** في الثلاثاء يونيو 17, 2008 11:59 pm

الحمد لله رب العالمين ... والحمد لله الذي تتم بنعمته الصالحات

عدت سنتين كاملين

ربنا وفقنا وقدرنا نعمل حاجات كتيرة كويسة

وكان شعارنا دايما التجديد ... وكان هدفنا تقديم خدمة تفيد الناس في ظل الامكانيات المتوفرة ... وان رضا الله كان هدفنا الاول والاخير لانجاز العمل

وتوفيق ربنا كان فوق كل شئ اننا قدرنا نحافظ على أهم مبدأ لتأسيس الجمعية العلمية لسنتين بصيدلة بني سويف

2006/2007
2007/2008

والحمد لله بدأت وتمت بشكل أفضل مما كانت عليه سابقا والمبدأ ده
اننا ليس لنا أي نشاط ديني أو سياسي ...

لكن هدفنا الافادة العلمية وأحيانا الترفيه... وطبعا كسر مفهوم الرتابة والملل في الحياة الدراسية ... والاستمتاع بأحلى سنين الحياة .... وهي سنوات الكلية

وأهم بصمة حققناها في الكلية .... اننا أثرنا روح التنافس بين باقي الأسر ... فكان البعض يسعى للتقليد والاخر للتطوير والتحسين

ربنا يعلم احنا تعبنا قد ايه عشان نقدر نعمل حاجة ونقدم جديد ... والأهم اننا كان لازم نحافظ على الكيان المؤسس لهذه الجمعيه

أكيد كان في أخطاء .. لكن شغلنا كان معتمد على الحد منها وكذلك الاستفادة والتعلم ... لمحاولة تفاديها أو عدم تكرارها

ربنا يكرم طاقم الجمعية ... وكل من تعاون أو ساند في عمل نشاط وتقديم خدمة للناس ...

وأن يجعل ذلك في ميزان حسناتهم وحسناتنا

وشكر خاص منا ولنا .... نحن الطاقم المؤسس للجمعية : محمد وافي / محمد مأمون / مصطفى المهدي / محمد عبد الرازق
.
.
.
.

لكن يبقى شئ واحد .....

نرجو من الله أن ينفعنا واياكم بما علمنا ... وان نكون أفدناكم واستفدنا ... وأن تبقى ذكريات الكلية هي أحلى ذكريات الحياة ...

وأن يديم الجمعية كيانا ناجحا دائما حتى يفيد من يستحق ويطلب الافادة ... وأن يسخر له دائما من يحفظه ويصونه ويستطيع العطاء والتطوير للأفضل

والحمد لله الذي وفقنا لايجاد منتدى خاص بصيدلة بني سويف ضم تحته كل نشاط داخل الكلية ... بداية من اتحاد الطلاب ... وحتى الأسر المختلفة ...

وأهم فائدة أن يدوم الاتصال ويستمر ... ولذلك سوف يتم تفعيل منتدى الخريجين بعد انتهاء اخر مادة للفرقة الخامسة

وترقبوا منا اخر مفاجأة بسبساوية ... سواء في الكلية أو على المنتدى

لكم منا كل الشكر والتحية

ولا تنسونا بالدعاء

توقيع :

4M

من طرف pipeta في الأربعاء يونيو 18, 2008 1:12 am

بجد بجد مش عارفه اقول ايه
اصلا كلمه شكرا قليله جدا جدا علي اللي عملتوه
هادعيلكو ربنا يكرمكو ان شاء الله كلكو كلكو و كل واحد يحقق اللي بيتمناه ان شاء الله و اكتر
و عجبني اوي طريقه كتابه الموضوع فكرت الواحد بحاجات كتيره و ذكريات اكتر
ان شاء الله تفضل الذكري الجميله بينا كلنا علي طول و نفتكر الحاجات الحلوه علي طووووووول
سوري اذا كنت طولت

من طرف **Frawla** في الأربعاء يونيو 18, 2008 2:28 am

مع ان الموضوع ده كان المفروض يكون شكر مننا ليكم الا انكم دايما بتسبقونا بالخير

بجد فعلا الجمعيه عملت للكليه طعم تانى خاااااااااااااااااالص مش عارفه يعنى اللحظات الحلوه اللى عشناها بيها يمكن مكنانتش هتكون اكيد موجوده من غيرها

عجبني اوي طريقه كتابه الموضوع فكرت الواحد بحاجات كتيره و ذكريات اكتر

فعلا كتيييييييييييييييييييير وجميله جدااااا

جزاكم الله عنا كلنا خير بس خير كتير كده وبارك فيكم

وزى ماربنا رزقكم النجاح فى بسبسه كده يرزقكم النجاح ده فى المستقبل ان شاء الله

وأهم فائدة أن يدوم الاتصال ويستمر ... ولذلك سوف يتم تفعيل منتدى الخريجين بعد انتهاء اخر مادة للفرقة الخامسة

من طرف **phrmacaya** في الأربعاء يونيو 18, 2008 10:05 am

bgd ana mesh 3arfa a2ol eh.......b2d elkalam elra2e3 dh

"3gz lsany 3n el shokr"

b2aly ns sa3a mesh 3arfa abd2 mneen

bs akeeed h2ol ..........ymkn lamma el windows yktb 3rby a3rf atklm a7sn men keda

من طرف **Nada** في الأربعاء يونيو 18, 2008 4:52 pm

كلمه شكرا جدااااااااااااا جدااااااااااااااااااااااااااا للجمعيه على مجهودها الراااااااااااااااااااائع السنتين اللي فاتوا..... هتكون حاجه قليله اوووووووووووووووي عليكوا

اينعم احنا مشوفناش الاجيال اللي فاتت.... بس واثقين انكوا عملتوا احسن حاجه .... و بذلتوا اقصى مجهود

و فعلا كل حاجه كانت بتطلع من الجمعيه كانت بتبقى بجهد و تعب... عشان كده ربنا كرمكوا و قدرتوا تعملوا حاجه و تعملوا فرق.... و يارب الجمعيه تفضل كده على طووووووووووووول

و ربنا يجازيكوا كلكوا خيييييييييييير

و يكرمكوا في حياتكوا بأذن الله

من طرف **M.Abd El Razek** في الأربعاء يونيو 18, 2008 8:46 pm

pipete

frawla
pharmacaya
nada

شكرا على الاهتمام والرد

وجزاكم الله خير عن الكلام الطيب ده

من طرف hope4ganna في الأحد يونيو 22, 2008 10:31 pm

أنا أول مرة اشوف الموضوع ده

وبجد انا مهما قلت عمرى ماهاقدر ادى الجمعية حقها

ولا القائمين عليها

انتوا بجد خليتوا لايام الكلية معنى تانى واحساس تانى

كنتوا دايما مميزين وأكيد هاتفضلوا دايما كدة فى أى مكان تكونوا فيه

ربنا يرضى عنكم ويتقبل منكم ويباركلكم فى أيامكم الجاية

ويخليكم دايما سبب فى نشر الخير والسعادة فى أى مكان تروحوه

وأهم حاجة لازم اشكركم عليها

هى طبعا المنتدى

اللى من غيره مش عارفة كان هايبقى الحياة شكلها ازاى

واللى من غيره برده مكانتش الدفعة العاشرة بقيت بالترابط اللى كل الناس شايفاه وحاساه

جزاكم الله خيرا على كل حاجة

ويارب دايما من نجاح لنجاح ومن طاعة لطاعة

من طرف waw في الإثنين يونيو 23, 2008 10:18 pm

عندك حق ياهوب في كل حرف قولتيه

انا لما بفتكر لما كنا داخلين لسه سنه اولي اول ناس قابلونا كانوا همه

بجد معاكو اللي اتمنناه كان كتير ,واللي حققتوه كان أكتر بكتير

لا كلام ولا سمايل يقدر يوصف سعادتي بكل انجاز كنت بشوفه

ومن قلبي بيبقى نفسي اكافاكم لكني كنت بشوف اي كلمة شكر صغيره اوي اوي بالنسبه لاي نجاح

جزاكم الله خيرا يا جماعه على الردود

معلش إعذروني مكنتش برد على المنتدى عشان خاطر الإمتحانات والمذاكره

( نمشيها إمتحانات ومش عايز أسمع أي تعليق وإلا

)

ياااه الواحد فعلا مش مصدق . مرحله من حياته خلصت .. بحلوها وبمرّها .. ومرحله جديده هتبدأ .. ربنا يكرمنا كلنا فيها وكل واحد يحقق اللي فيه الخير لدينه ولنفسه

الواحد بيحمد ربنا على الصحبه دي أول شئ ، وزي ما قلت قبل كده انا بقى ليا إخوات كتير في بني سويف وفي الفيوم

وبحمد ربنا على الجمعيه العلميه اللي خلت ليا نشاط أفيد بيه غيري

وطبعا بشكر أصحابي وإخواتي كلهم اللي كانوا دايما حوليا في الفرحه وفي الحزن

طبعا منساش عزوز وجدعنته معانا لما كنا بنحتاج حاجه للجمعيه أو لينا ممكن يخلصها لنا أو يكون معانا فيها مكنش بيتأخر
ووائل اللي لو قلت فيه قصيده مش هديله حقه .. بعتبره الجندي المجهول
ومصطفى محمود .. توأم روحي وسيدي وتاج راسي

وحبيب قلبي

وياسر وأبو السعود (بحبكم في الله بجد

) ومجهودهم الواضح على المنتدى وفي المنتدى الإسلامي بالتحديد ( ربنا يجعله في ميزان حسانتهم )

وزيموس حبيبي

.. دوره واضح على المنتدى 122

وطبعا إخواتي ال 3m

(عشان أنا ال m الرابعه ).. زكريات لا تعد ولا تحصى .. ومقالب شريره

في كل الناس تقريبا

وفي الختام بشكر كل الناس اللي ساهمت في نجاح الجمعيه من قريب أو بعيد عشان منساش حد

.. ومحدش يزعل مني

وبجد بجد ( واخد بالك إنته

) بحبكم في الله حتى لو بعت لأي ظرف .. محدش ضامن .. برده بحبكم في الله من كل قلبي .. وربنا يجمعنا في ظل عرشه يوم لا ظل إلا ظله .. اللهم أمين

من طرف **Just me** في الخميس يوليو 03, 2008 1:17 am

شكرا يا مهدي على الكلام اللي قلته في حقي

على اد ماهو اكيد اسعدني على اد ما هو حزني

لأني كنت بعتبر الشغل اللي بشتغله سواء في الاتحاد

او الجمعيه ان ده واجب وفرض عليا لأصحابي واللي لازم اعمله مهما

كانت الظروف ولما كنت بتعب او بزهق كلمه شكر او نظره رضا في عيون الناس

كانت بتهون كتير لكن أحمد الله انه وفقني دايما اني اكون عند حسن ظن اصحابي

وحبايبي واوعدكم اني هفضل دايما عند حسن ظنكم لأن ده حقكم عليا

من طرف **Moheb EL-Rahman** في الجمعة يوليو 04, 2008 3:37 pm

أنـــــا جيــــــــــــــــــــت

Mustafa Elmahdy كتب:
معلش إعذروني مكنتش برد على المنتدى عشان خاطر الإمتحانات والمذاكره ( نمشيها إمتحانات ومش عايز أسمع أي تعليق وإلا )

ايه رأيك
أعمل مش واخد بالي ولا كأني قريت حاجة ؟؟

مش كده أحسن ؟؟

Mustafa Elmahdy كتب:

وبجد بجد ( واخد بالك إنته )

تاني برده
بجد بجد دي

طيـــــــــــــــــــــــــــب

((واخد بالك انت بقى من طيب دي ...خليه يفهمك بقى ..))

حبيبي يا أدمين

(( تثبيت ده متصدقش ))
.
..
.

وانا بقى بجد بجد بقول لكل اصحابي ::

الحمد لله يارب
اللهم لا اعتراض
117

[img]http://www.smileycentral.com/sig.jsp?pc=ZSzeb114&pp=ZSfox000[/img]

مبروك للجمعية نجاحها

سواء على مستوى المنتدى
أو
على مستوى الكلية ( أكيد كنتو ناجحين في كليتكم ليّا مصادري الخاصة اللي عرفت منها )

و بجد إنتو ناس كويسه على المستوى الشخصي وتستهلو كل خير

ربنا يوفقكم دايما

شكرا ليكم 4M ( نفسي أعرف أسمائكم الحقيقية)

وزيموس حبيبي .. دوره واضح على المنتدى

شكرا يا مهديكو

من طرف salmawy في الإثنين يوليو 14, 2008 8:57 pm

كلمة شكرا ........ صغيرة اوى على اللى عملته الجمعية

الف الف الف شكر

بجد الشغل اللى عملتوه فى الكلية على مدار سنتين ....... يشهد لنجاحكم وتعبكم

انا شفت معاكم ازاى الواحد يتعب ويسهر علشان يعمل فى الاخر حاجة يفيد بيها غيره اكتر ما يستفيد هوّ

اتعلمت ازاى الواحد بيدّى وميستناش ياخد

وتقديركم لكل اللى كانوا بيشتغلوا معاكم ........ يمكن انا كنت شايفة ده بزاوية اقرب

ربنا يوفقكم ويكرمكم فى حياتكم الجاية

وتعرفوا تثبتوا نفسكم فيها زى ما تثبتوا نفسكم فى الحياة اللى فاتت

ومش هنسى ....... المنتدى

والله انا بحس انه حتة من كليتنا ....... بس موجودة فى بيتنا

127